要堅持呀~

好o野, 今日收到好消息, 又一個病友o既牛皮癬漸入佳景, 大有進展.
病友話佢係驗身決定食唔食藥之際. (今年一月)個一個月(1月~2月, 過年前)d牛牛好得好快......
依家d牛牛變細好多喎.我問佢一隻手掌大o既面積為之一, 咁依家有幾多隻手掌.
佢話得番一咁上下咋....仲要係細粒o架.
佢睇o左劉醫師o岩o岩一年啦
正話問準病友, 想放佢o既資料上o黎, 佢已經ok o左.

病友病發已經7~8年
係 08年9月開始睇一個中醫, 睇o左半年發晒出o黎, 仲生到上面. 所以佢唔敢再睇個個中醫,  由09年4月開始轉睇劉醫師.
睇劉醫師期間有睇西醫, 有搽藥膏, 仲曾經食過類固醇藥.(後期已經冇乜搽藥膏)
如果睇病友比我o既留言, 佢今年1月11號之前都仲係唔太好.
不過神奇之處, 好似之前已經好番o既jenjen病友一樣. 睇劉醫師時都仲會反覆. 但係第8, 9個月之後就突然好轉......(2個病友都話係突然好轉的)
病友話佢做運動唔算多. 佢相信如果加埋做運動. 一定會好得快d.
佢係自己煲藥o既.
病友話唔好食味精雞粉呀. 佢食完牛牛會變差o架.
所以佢覺得睇劉醫師係得o架.........
我地都相信, 睇劉醫師係慢,,,,,,,,,但只要堅持相信劉醫師係暫時唯一救星,,,,我地就比多少少時間劉醫師啦....
雖然去到上環真係好遠..........總好過亂咁睇醫生好呀.....
病友們~ 一齊努力啦~!






病友1月11號前都仲係唔好~

病友留言2010-01-11 23:48

我D牛牛仍然惡過我，又痕又痛又多皮，而且範圍又多又大(我的牛牛不是一粒粒，而是一個個大印)，劉醫師話有好轉只是我唔覺，我真是一D都唔覺，剛見完皮膚專科，見議我 驗身吃藥，但我唔記得是什麼藥，佢話一個月後覆診， 驗身無問題才開始食，食約三個月，有六成機會有好轉，但風險係傷腎和引致高血壓，原來有牛牛病係唔會死的，不過醫牛牛病就有機會死了。
另外，上星期四，我到診所抽血，是個男護士幫我，他用了四五張火酒紙抺我右手，然後用幼針幫我抽血，可惜抽得很少，唔夠用，跟住用粗針抽左手的血，我痛到大叫"好痛"，他還說有無咁痛，我的眼水鼻水通通湧出來。 今天右手還有個黑印。

 

cowcow 2010-01-12 14:37

真係睇到你咁寫, 替你難過, 但又唔知點樣可以幫到你.
http://hk.myblog.yahoo.com/psoriasis-kansen/article?mid=19254 
關於牛皮癬口服藥, 請參考呢本書o既p.214~ p.218頁.佢有寫副作用的.
有冇諗住搽青黛粉呀~?? 我今日同病友 傾過電話呀. 又再傾下青黛o既療效及用法.
我發覺我可能以前用錯方法搽青黛粉.病友佢係沖涼前搽青黛上頭 & 身上面. 等大約一小時就沖涼洗晒d青黛. (佢係坐係廁所等的, 唔洗攪到外面廳房污糟)
我之前就係沖乾淨晒個涼至搽青黛. .......第2日至洗o左佢. 所以有時會乾到有點痕, 如果學病友咁. 搽青黛等沖涼, 沖完涼再搽番d保濕cream. 效果會好d.
佢用青黛 + 煲藥 + 運動跑步, 效果好快見效呢


病友  留言 2009-10-14 21:57

還有我這個病友呢! 我這兩個星期開始食番中藥,足足停左一個月,原本一路好緊，點知check到肝烤素高了,劉醫師話減低個肝的負擔，所以暫停服藥只能浸藥,到這個月初再去驗肝,結果是正常,他才肯給我服藥,但牛牛早已復出,不過無以前咁嚴重.
進展慢,但有進步,我暫時都信住他先,事實上,他真的很惡......我忍佢!!!!

cowcow 2009-10-14 22:18

你知唔知我今日接完病友電話之後, 想打比你. 問下你情況, 不過又怕阻你做o野.

 (我諗住你睇完呢一篇blog會自動獻身的