牛牛病: 大鬧會展

知道台灣朋友公司派佢o黎做展覽會,,,,,所以我特登同公司請o左下午假幫佢手~
入會展都入o左唔少次,,,,,,,,第一次由頭跟到尾
先去提番d展覽品先~
2大箱......................朋友個老闆真係衰,,,,只派一個員工過o黎,,,,一個弱質女流點搬呀???

好彩我都做慣粗重功夫.......... 仲有就係好彩朋友個同事幫佢係個箱底係咁易加o左4個轆,,,,,如果唔係, 我今日就唔止濕半件衫咁少.

個會展又夠大............搵個booth搵到隻狗咁............拉箱貨拉到我屎下屎下...
吓........................唔係呢個booth?????

最後幾乎環繞 hall 3一周至搵到..............屎o左半條人命,,,,,個背脊濕晒.........

冇得抖氣....因為仲要趕住去睇莊醫生................經驗皮膚專科醫生..........哎呀....遲o左半粒鐘
中環地鐵站c出口, 一出就係.........原來莊醫生係政府醫院做到已經退休, 上年年尾至開自己o既診所.......

依家發覺自己同咩人都可以傾一大爛餐.........以前係QE唔敢同莊醫生傾計....
今日.........嘻嘻.........唔知係咪覺得比o左500蚊醫生費.........所以捉住醫生傾o左半粒鐘有多.........哈哈........乜鬼都傾.........佢話佢都仲記得我個case 喎...........佢見到我今日d皮膚~ 覺得我keep得幾好(我有比番以前病發d相莊醫生睇)........當然佢都有講,,,,,,,,我係有機會個身都會生番d牛牛出o黎o既.
講完牛皮癬個病,,,,,,,,緊係叫佢醫好我隻香港腳啦.........仲有莊醫生睇完我d腳甲,好老實咁話............其實灰甲同牛皮甲好難分得出..........就算剪o左d腳甲去種菌都好. 50%係種唔到. (即係話種唔到係真菌, 唔代表唔係灰甲)
分析o左食灰甲藥可能冇效都未定. (到時就會證明我唔係灰甲, 而係牛皮甲)
我決定食藥~ 先試食2星期, 冇乜副作用就繼續食多10個星期, 因為灰甲療程係12個星期, 副作用有機會影響肝臟. 但我都想試~
而呢D口服藥, 亦可以醫埋香港腳o既, 所以試食啦. (雖然個心有d擔心食藥會影響我個身體)
最後埋單500蚊醫生費 + 250蚊藥錢............

差d寫漏..........我問莊醫生, 點解以前肥仔有香港腳時, 7年我又冇比佢傳染到, 點解依家又會有?? 係咪我整損o左d腳, 比d菌入o左隻腳到?
莊醫生話就算我冇整損到隻腳, 但皮膚都會有d小損傷肉眼睇唔到. 最大原因係自己對呢隻菌o既抵抗力唔夠.....而比佢入侵了, 所以我依家會有香港腳.
佢咁講又解開o左我個疑團啦. 唔該晒莊醫生~!
睇完醫生.又再去番灣仔酒店搵朋友...............哈哈.......收到台灣手信..........2箱生果......