上完大陸返o黎睇到兩隻手肘位, 手臂開生膿~ 今晚要留意有冇發燒....
聽日仲係公眾假期tim..........要等到星期一至可以睇莊醫生.
打o左比醫生. 佢叫我搽藥膏睇下襟唔襟到d膿繼續生.......
唉.................同老細報定案先.
尋晚沖完涼雖然冇前晚咁痕, 但手肘到手臂位o既紅印都係紅, 而且仲會發熱,
已經有d擔心, 今日其實一路都熱熱地,,,,,,仲痕痕地tim. 所以正話搭火車返香港時都忍唔住食o左一粒止痕藥.
估唔到返到公司一坐低就睇到有膿.
.......................唔想再留醫啦~
30/apr 22:38 36.9度
1/may 13:14 37度
尋日確實比莊醫生o既神情&說話嚇o左一跳.
我相信佢係怕我咁唔好彩. 引到d膿皰型牛牛翻發
可能我出院後都影唔少皮膚相. 所以我自己睇到又唔係好可怕, 只係太多太密密麻麻.
但自己感覺到應該唔係翻發,,,,,,,,,,,因為上次第一次病發發出o黎個下急o既程度, 好似每分鐘都會唔同.
(上次病發時圖片,,,,,牛牛出得好快~每分鐘都唔同~)
尋日見完醫生12點幾食o左一粒抗敏感藥之後, 下午我都諗緊飲唔飲中藥.
自己個心就相信劉醫師係得o既, 咁依家呢d紅點如果真係牛牛, 咁應該飲中藥都冇問題.所以5點左右我就飲o左一劑中藥.
尋晚9點幾沖完涼,,,,,,因為用熱水沖過, 叫家姐幫我影相時, 又確實連自己都有d動搖, 皮膚好似越o黎越差咁..............仲差d想同上帝祈禱tim,,,,,,,,,,不過最後都係冇......因為我信自己唔係翻發.................如果真係祈o左禱又好番,,,,,怕我要從始歸信於主.
兩隻腳關節位都係一片紅. (相片唔多影到效果)
雙手都係密密麻麻.
肚腩
背脊
最壞打算都係牛牛出番o黎唔走........皮膚維持紅色一片, 但唔想再入醫院, 所以千祈唔好出現小膿皰出o黎就得啦.
早d瞓, 希望瞓醒冇事~
瞓下醒下摸下d手腳, 感覺d皮膚冇咁凸出o黎.
瞓醒睇下雙手~ 比尋日好.
豬腿都係, 紅點消o左好多.
大脾o既皮仲係有好多紅點.
今日11點幾打番去莊醫生醫務所話番比醫生知我o既狀況, 再問清楚抗敏感藥(藍色個隻)係咪食足7日. 佢答我話係.另一隻一日食3次o既止痕抗敏感眼瞓藥就可以食少兩次, 叫我最少臨瞓前都要食一次喎, 收到收到~
莊醫生話最緊要我冇小膿皰生出o黎, 一路好緊就得啦.........佢仲叫我搽個隻輕類固醇藥膏, 我就只係搽大粒, 一片片紅色我冇搽. 莊醫生好似真係好怕我係翻發, 要我快d制止牛牛生出o黎咁, 過多兩日食晒D藥就搵下佢啦.
今次攪一攪, 相信皮皮都要一段時間至穩定~
上次一中就中pustular psoriasis ==> 膿皰型牛皮癬,,,,已經"好好彩""....
今次又o黎?
因為唔知係食o左抗真菌藥, 定係食錯o野, 生到4肢都係密密麻麻o既紅點
所以係食第2次灰甲藥之前, 走o左去搵莊醫生.問下佢發生o左咩事
莊醫生見到我d皮膚都有d吃驚.
皺起眉頭話我唔會咁好彩呀嘛........雖然有副作用, 但都係幾多萬人至有一個.
另一可能性係咁o岩我o既牛皮癬夠期翻發, 不過莊醫生話唔會咁o岩囉.
我問佢係咪中藥撞o左隻西藥, 佢話應該唔會, 因為隻中藥我都飲開.又隔住o左食.
所以最大可能呢隻藥令我敏感
莊醫生仲用放大鏡去睇我d皮皮...........佢好似仲擔心過我.
我覺得佢覺得我係牛皮癬翻發..........莊醫生話比d抗敏感藥我食o左先....(急到要我係診所先食一粒)..............同我講......有咩事佢寫紙我入急症
@_@ 唔係呀化..............要留醫??
前日同莊醫生傾計. 佢仲話依家香港政府醫院好少床位預留比d皮膚病人. 最多就係QE,女病人有3張床, 男病人有5張床.
我住o左23日QE, 確實係來來去去都係3張床.
佢一講去急症我就驚到笑住問.........咁o既款就已經要留醫啦?? (唉.......其他病友想留醫都冇得留...........點解我會咁"好彩"?? 真係膿皰型牛皮癬會屎人嗎??)
莊醫生都一路問我問題一路諗緊點解我d皮皮會係咁.
叮囑我食藥之後睇下有冇好轉,,,,,,,,,冇就記得搵佢.........(好想問醫生攞個手提電話號碼
又問我今日洗唔洗請假紙.........(上次都冇比我, 又冇問)
我問番醫生轉頭.......>>>>吓,,,,,,只係咁就唔洗返工呀??
莊醫生話..............你依家咁紅, 可以返屋企休息..............唉......天呀~! 又嚇多我一次
我同醫生講.................依家我係蛇出o黎睇醫生.........所以唔洗啦.
不過臨走我轉身開門..........莊醫生又問多一次, 要唔要放假紙..............唉........我同醫生講....寫就寫我聽日病假吧.......(希望唔洗用到啦)
灰甲藥要即停~ 唔可以繼續食~
出o左醫生房護士就叫我食一粒抗敏感藥先~
有痕至食, 我o岩o岩食o左一粒, ............(依家我已經好眼瞓啦.)
類固醇藥膏, 本來醫生唔想開比我, 最後都開o左
2日病假.........
我都諗緊醫生會點收我錢呢?? 我估最好人可能收我$250, 估唔到只係200蚊.
出完醫生房, 攞o左之後姑娘話莊醫生叫我我入房..............唔知咩事呢??
原來醫生都係一路好疑惑點解我會咁................再問番我記唔記得我2年幾前入QE之前食過D咩藥, 會唔會又係因為食過某d令我敏感o既藥..........
我當然唔記得個陣時個普通科醫生比o左d咩藥我食. 不過諗諗下確實係當時個牛牛病都係無啦啦發o左出o黎. 莊醫生話:::::::::>>>>如果係藥物敏感而爆發出o黎o既病, 比較容易醫得好, (所以我上次好得咁快咁靚), 不過再次因藥物引起o既話, 就會比第一次嚴重.
莊醫生安全至上,,,,,,,,,寫o左一張我對藥物敏感o既紙比我............建議我去過膠放係銀包.......
(原來讀書叻唔代表寫字靚 ,,,,,莊醫生同肥醫生都一樣......嘻嘻
唔知係咪心理作用,,,,,覺得有d發燒tim.....................
發燒就屎緊.............瞓硬QE
