牛皮癬覆診~(唔係病者請轉台~ ^^)

好似好耐冇寫自己D牛皮癬, 其實我一路都有睇劉漢長中醫 & 定期到政府覆診~

都係個句, KEEP住個FILE, 第時大爆發都有得即時睇 ^^


4個月睇一次政府醫生

今次醫生問番我D牛皮癬歷史, 當初點解會有膿.

我話比佢知連醫生都係唔知點解o既,

3年幾前一爆發就入醫院, 當時主診醫生關醫生幫我打去診所問,

答案係我打個d都係普通止痕針,

年半前食o左一粒灰甲藥就翻發. 好彩冇乜事. 可能我個肝真係比較弱.

今次覆診攞o左3樣o野~

 

舊症覆診 60蚊~ 每樣藥10蚊~, 所以今次睇醫生用o左90蚊~

公司有醫療可以claim, 所以18蚊就攪掂.

左邊係 AQ , AQUEOUS CREAM, 沖完涼搽晒全身, 等D皮膚冇咁乾,

牛皮癬嚴重o既病友話呢隻AQ唔夠潤.

中間搽指甲,腳甲 , 右邊係洗頭水

最想要係洗頭水, 係外面買要100幾蚊一支~  唔可以日日用, 一星期最多用2次.

上次醫生話有隻搽指甲藥, 講講下又冇比, 卒之今次我話d指甲越o黎越嚴重,

所以今次佢就開比我啦, 佢話冇類固醇o既~

叫我唔好搽咁多, 唔好用棉花棒搽, 要用牙簽搽落指甲邊.

仲寫紙比我驗指甲, 腳甲, 其實我已經驗過2次腳甲,

都係話冇菌,,,,即係我個d唔係灰甲, 而係牛皮癬腳甲.

之前係即刻去隔離房剪腳甲, 唔知點解今次要預約時間剪o既

唔通驗o既方法唔同?? 

不過我已經諗過, 如果手指甲越o黎越差的話, 我係考慮

去莊禮賢醫生睇o既, 我有病友睇o左半年食藥, 依家手指甲

好得7788了.

去片睇下我d手指甲和腳甲有幾樣衰啦~

左手手指公~

越蝕越入, 左手指甲比右手指甲短o左好多啦.

左手中指我感覺佢開始想變~

右手無名指係最嚴重o既,

 

咁樣睇, 係離o左甲

右手食指都開始起革命~

2邊開始厚皮~

熙哥話好核凸~ 對, 最肉酸係左腳腳指公~

唔好話我污糟啦, 早兩日搽o左青黛粉....所以又起黑邊,

不過可以話你知,,,,青黛粉對指甲係冇療效o既~ 

厚皮到冇人有~ 不過唔痛唔痕,  老媽話我著得行山鞋多, 焗住佢喎,

我覺得唔關事囉~ 係牛皮癬啦

真係有5mm厚, 想剪走d牛皮甲都剪唔到.......

(熙哥係旁邊笑我,,,,,,乜你真係度呀?? 得4mm之嘛.... )

左腳中指一樣咁衰~

左腳樣衰3兄弟~ (甩皮因為我之前浸過藥水, 唔關牛皮癬事啦)

右腳反而冇咁樣衰, 腳指公仲有好轉跡像.


下次覆診要到2月了~ 時間真係快過,,,,咁就有病4年了~