咁就一年~

2009年4月25日星期六   落狗屎
今日本來book o左10點睇劉醫師.......不過我又遲到......遲o左成個鐘...........遲到o既懲罰係淋到落湯雞, 差d連底褲都濕埋咁滯..
(唔遲到, 早d出門唔就唔會攪成咁.淨係睇我個背囊,,,就知我個身有幾濕)

不過今日人唔算多,,,,,正準備影低d濕身相........就聽到有人同我打招呼. 原來係新病友....睇過我blog o既病友..... 聽講都好似係睇到我blog之後至去睇劉醫師o既.....所以覺得有d壓力tim...........如果劉醫師唔多好的話..........自己都好似有責任咁.
但係呢.........我本人覺得.......如其亂咁睇中醫........倒不如搵一個醫過好多牛皮癬病人o既醫師會比較安全..............醫唔醫得好自己,,,,,就真係睇下夾唔夾劉醫師.
劉醫師今日都冇乜o野講, 佢見我濕晒身,,,,好好心咁同我講,,,,,,,返到屋企記得換晒d衫....小心著涼,,,,,感冒可能會令牛皮癬發出o黎.,,,,,,明白明白.
劉醫師問我仲有冇剩青黛粉..........我話有.....不過我都想買2樽..........佢又好順攤咁開藥單比我去攞藥. (唔知點解有d病友問,,,,又唔比o既呢???)
當然我自己係搽唔晒,,,,,係幫d病友買o既.
(40蚊一樽)

最近有一個病友講我知, 佢由我上次幫佢買青黛粉開始搽o左一個月, 效果幾好. 一雙腳有10~20%好o左. (係呢一個月, 佢乜藥都冇食, 就算中藥都冇飲)所以佢決定下星期又再睇番劉醫師. 佢之前睇o左大約8個月, 成效唔大, 仲好似有生多o左. 所以轉睇第二個中醫. (不過呢.....佢唔係自己煲藥. 係飲沖劑,,,,,,劉醫師話過, 自己煲藥係好d o既.)
希望呢位病友今次可以堅持耐少少. 亦希望青黛粉幫到佢.


今次除o左青黛粉.......當然都係飲農本芳,,,,,,,,,,,o岩o岩一年啦.........睇o左劉醫師一年啦.....................有d睇到悶............想放棄唔睇............但都係停唔到,,,,,,,,,,一來劉醫師冇叫我停..........(真係仲羨慕緊jenjen呢....) 二來右腳係多o左d牛牛仔生出o黎. 當然係d嚴重病友o黎睇,,,,,,,我個d牛牛根本不值一提.........但係呢........事實上我依家開始會係越o黎越多o既. ,,,,不過我會搽青黛粉,,,見一隻殺一隻.

上次係小腿有2隻....依家大豬脾都發現一隻.........

小腿個兩隻已經唔多顯眼..........希望繼續殺殺殺

手位我又懶得搽.......

都係右手,,,,發現有2處甩皮,,,,,,,,,仲未知係乜冬冬.......當佢係牛牛咁殺.

係咪好核凸~?..............呢d係甩出o黎o既頭皮,,,,,,,,,係我搽青黛粉係d頭皮上,,,,,,,,佢會好快乾,,,,,,然後又會好易mid 出o黎......................如果我唔搽青黛粉.........頭上o既頭皮唔會甩得咁大塊. 係細塊細塊咁甩.........
我耳仔對上o既位會有白邊.......搽完青黛又會變得幾靚仔......但係呢........唔搽幾日,,,,又會生番出o黎.....................其實真係要決心早瞓,,,,,,,,至解決到頭皮上o既牛牛......
(我覺得我早瞓, 頭皮會少d)

藥方冇變..............要繼續飲........飲到真係想屎............日日飲2次.......唉~ 但都係要繼續堅持.

公司新醫療終於包牙醫 & 中醫..........不過中醫原來一年只得5次, 每次最多200蚊.........係慳得一蚊得一蚊o既情況之下..........我一年應該慳到1000蚊啩?

(28日藥)

希望下次見劉醫師時........右邊手 同 腳 都唔好有牛牛出現就好啦~

離開東華時又發現有人向我微笑..............都知道應該係blog友....係blog傾過幾次計,但冇見過面o既病友媽咪..........佢話劉醫師話佢囝囝穩定落o黎...............希望佢囝囝病情繼續持續向好...............咁對我地呢d牛牛病人都係一種鼓舞.........比到我地更加有信心呢.

病友們..........我地真係要努力對抗牛牛啦.....唔好認輸呀.~