中醫覆診

2009年3月21日星期六

本來應該係2月28號覆診, 因為個日入o左法國留醫, 所以去唔到東華. 改o左今日至睇.

原來下午o既東華係咁少人. 定係經濟唔好, 連睇醫生o既人都少o左呢??

劉醫師都係冇乜o野講呀~ 打打脈, 睇下我d皮皮. 都冇乜o野講, 就算我有問, 佢都冇乜清析o既答案.

例如: 最近右腳生番d o野出o黎,,,劉醫師都冇我係乜o黎.

(各位病友, 希望你地唔好話我大驚少怪呀~ 係d冇問題o既皮膚生少少o野, 我都會睇得好清楚. 所以我希望係自己個blog度記錄下我d皮皮變化. 唔好笑我呀)

右腳有2撻, 沖涼時係會變紅. 之前有搽青黛粉, 所以有d皮會甩. 但影呢張相時係冇皮甩)

下面個撻大d, 之前搽過青黛粉, 所以冇咁紅, 但範圍係大o左o既.

呢撻就細d, 但冇乜點搽青黛, 所以係紅d, 範圍亦開始變大.

右手開始甩皮, 不過唔記得比劉醫師睇.

一樣開4星期農本芳比我. 我問o左劉醫師啦. 一日飲一劑係唔得o架. 叫我飲番2劑.

同上次一樣o既藥方.

買o左一樽青黛粉.

我唔係溝麻油呀........病友教我用潤膚cream o黎溝. 幾方便. (我用美國個支cream溝)

仲有我個頭d頭皮係多o左o架.

今次攞4星期藥 + 2樽青黛粉. (一樽幫朋友買)

今次開始要記錄埋我條黑脷,,,,,,,唔好意思呀~ 嘔心都要o架啦. 記錄記錄.