再見啦~ 我o既至愛

2008年5月31日星期六 天陰有微雨
今朝book o左劉漢長醫師9:20 , 不過尋晚瞓唔著, 所以遲o左10分鐘. 等o左半個鐘就有
得睇. 最近聽超人老豆講, 佢睇劉醫師時, 接待處o既工作人員話劉醫師要減少睇病人,
因為想用多少少時間睇病喎, 咦!?? 唔通佢有睇我個blog, 知道我話佢?? 哈哈. 緊係唔係
啦. 咁今次我見我之前o既病人, 幾個都睇得好耐下. 唔同上次, 入o左去, 一陣就返出o
黎.  
我今次都覺得劉醫師睇耐o左少少,大約4分鐘到.  探完左右手o既脈,我就比張紅點相劉
醫師睇.我問佢大粒個粒係咪牛皮癬, 佢話唔係, 係敏感喎... 敏感都咁大粒?????!!!!屎得.
唉~!不嬲我都冇敏感o既, 真係人老o左就開始轉差
不過下星期一 (2/JUN) 見肥醫生時, 我都會攞番呢張相問佢o既. 唔知佢會講乜呢?

劉醫師睇我條脷, 呢輪我條脷好鬼白. 我問醫師點解咁白,劉醫師話我唔止脷白,仲兩邊帶黑,  佢答我: 濕囉~!  跟住我問佢, 咁點解救呀???   醫師答我: 唔好飲凍o野.   我話: 我已經冇飲凍o野好耐啦........
出o左院之後自我監察, 好多o野都冇食.   唯獨係雪糕.............我的至愛, 以前晚晚一條雪條,有時仲打孖上. 出院後冇食2個月左右, 最近漸漸食多, 幾乎每晚一柸雪糕.
我居然問o左劉醫師一條豬頭炳o既問題: 
醫師答我: 唔好飲凍o野.     我話: 我已經冇飲凍o野好耐啦........跟住我問劉醫師, 雪糕係咪凍o野呀???.  我見劉醫師好似想偷笑....... :係凍o野o黎o架, 唔好食..........跟住仲要係張藥單上打上"忌食生冷"

為o左條脷著想.  哎呀, 唔係, 為o左身體著想, 再見啦~ 雪糕,雪條們~我o既至愛

今次d藥同上次一樣, 劉醫師依然話我食得好好. (佢個樣好滿意.)

今日勁多人, 等攞藥等o左1個鐘. 仲要唔記得先予約覆診, 卒之冇得睇星期六14/jun),好彩仲有 16/jun星期一下午3:20個籌. 真好彩~
診金+ 藥 盛為 $640, 真係貴~

3分鐘~中醫覆診第二回合

2008年5月17日 星期六 天晴
尋晚又同牛牛朋友傾到2點(又掛住睇人啲BLOG), 死緊, 呢排成日都咁夜瞓,d牛牛遲早走出o黎搵我.
今朝去o左東華醫院劉醫師覆診. 嘩~ 2~3分鐘就出番o黎,睇症真係超快. 佢同我左右手把脈,睇下我條脷,問下我點, 我話冇乜o野, 比o左右手3點牛牛佢睇, 比埋額頭佢睇, 佢話收得幾好呀~ 我話我食緊西藥呀嘛.不嬲都冇乜牛牛. 佢話有人就算食緊西藥都會有好多牛牛, 劉醫師同肥醫生講o既一樣, 我o既狀況實際比其他人好.(係唔係值得高興???)
劉醫師真係睇症睇得超快. 佢講o左少少o野就冇o野講, 我話4月28號睇個一次o既3劑藥, 我前日食完, 冇乜o野發生. 佢話ok, 我問佢d藥係咪調理身體, 劉醫師話係, 跟住佢就話: 咁開2星期中藥比你好唔好??我話好.跟住問佢, 點解我條脷咁白. 佢都唔係好想答我. 等o左幾秒佢就講o左一個字(我唔知係咩字)發音係 "于", 我眼凸凸望住佢, "于"???　即係咩?旁邊位香港人助手一邊打電腦一邊又講”于”一次，咁即係冇答我，咁我就走啦．
其實我應該問佢, 咁我需唔需要咁早睇中醫??需唔需要中西合壁?? 不過我即係我, 通常都係走出醫生房之後先識得問o野. ^_^; 
補充: 我問劉醫師, 牛皮癬患者會唔會同時有濕疹, 佢同肥醫生都話唔會, 但我上次比肥醫生睇相o既時候, 佢就話個d係濕疹...............今日劉醫院都叫我比佢睇, 但我之前狂搽補濕,所以冇o野比佢睇到, 下次再有就影低d相比醫師睇下.
14包藥粉, 同上次一樣o既料.

3月份時皮膚出現咁o既o野, 最初問肥醫生,(未比相佢睇) 佢話牛皮癬唔會有濕疹.
跟住我就比o左2張相佢睇, 佢睇到張相又話係濕疹, 咁即係點呢??

2008年5月13日 星期二  天晴
因為將會係5月17日覆診睇劉醫師,所以今日的起心肝食第一劑中藥. 話時話都幾苦.不過都唔洗食陳皮梅送藥. 唔知心理作用定乜, 今日食完藥都幾攰, 又唔知係咪中西藥一齊食o既關係. (當然我隔o左成3個幾鐘先食中藥)
自從有o左牛牛病, 係網上同人傾下計, 又寫blog, 最近都識o左唔少新朋友仔, 點解係朋友仔?因為佢地都細過我呀~ 歲月不留人 >_< ;  我地除o左玩msn, 仲有傾下電話咁~朋友圈子都擴闊唔少.
希望大家都能夠醫好自己個病, 永遠身體健康呀 !