牛牛病: 4月 2008

2008年4月28日天陰
今朝約o左10:30睇東華醫院睇劉漢長醫師.
因為係牛皮癬討論區都有幾多網友提及劉醫師,所以係停西藥之前.睇一睇聽下醫師意見.地址係:上環普仁街12號東華醫院楊國璋樓地下:預約電話: 25894700.
去到都要搵一陣至搵到, 發覺個度有d工作人員都好似有皮膚病咁.^_^,聽電話個個哥哥仔額頭有好多粒粒.但唔似暗瘡. 同我量血壓個位護士. 條頸又唔知有d乜咁. 真奇怪. 等o左大約20分鐘就入去見醫師. 佢先同我左右手把脈,睇下我條脷.佢問我有d乜唔妥,我話佢知依家d皮冇事,比埋本想簿佢睇下我之前病發時的牛牛相佢睇.話佢知係我停西藥前睇下中醫,佢叫我小心d身體.唔好冷親發燒.同埋小心感冒. 因為呢2種睇落好輕微o既病, 會引發牛皮癬.可能會發好多牛牛出o黎. 所以要小心.呢樣o野我都一早知o既. 佢話我條脷2邊帶黑係因為血液循環唔好喎.
真係唔慣醫生戴口罩.劉醫師都唔例外. 不過我慣性望住人講o野. 依家佢戴住口罩,所以硬係好似聽唔到佢講乜咁. 尤其是佢d半鹹半淡o既廣東話, 其實好想叫佢不如講晒國語.
最後開o左3劑沖劑比我.(依家真係先進) 叫我3日後覆診.但邊度有咁多時間o者.雖然份工都可以蛇出去. 但唔想咁趕, 佢話我呢d病, 都唔係一朝一夕就醫好. 所以唔準時覆診都ok. 諗住星期六覆診,嘩~!點知要排到5月17號呀~.

2008年4月28日天陰
上午睇完中醫, 下午就去肥醫生度覆診.
呢幾日唔知點解, 個心情好似好悶咁.睇完中醫都冇乜o野講,個心情就down上加down.成點鐘返到屋企都好.都冇咩準備去睇肥醫生,仲走o左去瞓o左半個鐘至起身,,3點至出門口. 明明預約時間係3:00. >_<
3:20分登記好, 係外面等醫生o既時候都係悶悶不樂.等到3:55分至入得去. 都話肥醫生睇病都耐過人.證明佢都幾有心機睇病呢.
肥醫生冇問我叫乜名啦. 一認就認得我. 問我d皮膚點呀? 我話都ok, 上一次3隻小牛已經比我消滅o左(搽保濕膏),不過我話比佢知屁股有一隻小牛. (去覆診之前已經諗緊好唔好話比肥醫生知) 係呀? 比我睇下.~

震o左一震, 今次個護士同上次個個一樣, 所以唔知點解少o左d尷尬.除低條褲比醫生睇. 係喎~真係牛牛喎, 咁唔減得藥.~ 嘩~!聽到呢句之後,成個人鬆晒

,原來呢幾日擔心減藥,諗住睇中醫可以頂得住, 點知劉醫師又比唔到d咩信心我.聽到肥醫生個句,個人當堂開心晒, 望住醫生,我就諗起劉德華3個字,不過唔係個樣,哈哈.(諗起佢封信)
好o野唔洗減藥,yeah~(真係有病, 唔減藥都咁開心, 不過冇牛皮癬o既你, 係唔會知我o既心情.

) 肥醫生話呢隻藥其實最大問題係會影響膽固醇,如果我keep得住,呢隻藥都唔係咁大問題. 就算有問題, 仲有其他藥可以食, 嗡o左幾隻藥名. 但我都唔知係咩藥.問番醫生我o既LDL(壞膽固醇)有幾高,佢話番比我知,我食neotigason之前係1.8,食o左藥之後升到3, 係3月4號驗血個次係2.7, 都算keep得ok.
好彩仲記得話佢知尋日發覺有頭皮. 佢就起身用雪條棍掃我d頭髮. 佢再話: 所以唔減得藥.問我要唔要頭皮水, 我話唔洗啦. 藥膏呢? 唔洗啦~ 嘩, 乜你d藥咁襟用o既. 我話佢知,我都唔敢用d藥膏, 醫生係都話唔怕. 佢話比多一隻D字頭o既藥膏我, 不過我都唔知有乜分別,跟住我問佢: 醫生, 聽講有兩隻藥膏係冇類固醇, 係咪政府醫院唔會開呢兩隻藥比病人o架??要自己係市面買呀?? 肥醫生話唔係呀, 有呀, 開一隻比你呀~ 即刻係左手邊攞o左SILKIS呢隻藥膏嘅宣傳小咭片比我睇. (真係想問佢,做乜鬼之前唔介紹我用o者?) 越比越多藥(膏)我,我有d驚,問肥醫生: 醫生, 你係咪覺得我就o黎會生好多牛牛, 所以比定咁多藥我呀?? 肥醫生答我, 唔係吖.
"在天堂遇見的5個人"睇完好耐啦.~~~~~~~吓,(心諗) 你講緊乜?? 定一定神,哦~原來醫生講我係QE留醫時送比佢個本書. 仲以為佢講乜鬼天堂乜乜乜.

我話係呀, 個本都比o左你啦(我講緊早一輪比埋個本"最後14堂星期二的課"比醫生 )佢話個本就仲未得閒睇住. 好忙喎,我話你得閒先睇啦. 當時留醫,我翻睇本"在天堂上遇見5個人"覺得呢本書好o岩醫生睇,不單止係肥醫生. 個個醫生都o岩睇. 因為廢事佢地第時係天堂唔止遇見5個人就大鑊. 哈哈. (其實我覺得任何一個醫生. 佢o既一個不經意o既動作,一句好普通o既說話.足以對一個病人有好大影響,不論好與壞)
今次覆診幫2個網友(都係有牛牛)問o左肥醫生兩個問題. 佢都有解答我. tks. 又浪費o左佢寶貴o既時間.
最後我鼓起少少勇氣同肥醫生講, 我今日上午去o左東華醫院睇中醫. 佢話係呀? 有咩講呀? 有冇叫你排毒呀.哈~不失攪笑本色,我話佢知,劉醫師講o左等於冇講o既o野. 佢同護士都係到笑,肥醫生話佢唔反對人睇中醫. 佢好open喎. 不過要睇d有經驗o既中醫至好.
臨尾, 佢仲想考番我點食藥.又問4月31號. 傻啦醫生. 我有牛牛o者, 仲未有老人痴呆.哈哈.
不過係出面攞藥時個位負責任o既女士問我. 你知唔知d藥點食o架?? 我話我知, 佢考我.我話單日食一粒,雙日食兩粒. 嘩~佢好大反應, 緊係唔係啦. 咁如果31/3食完一粒,唔通1/Apr 你又食一粒呀?? 你要記住第一日食一粒, 第二日食兩粒, 知唔知呀??