第一次覆診~瘀到痺

2008年2月4日星期一
第一次去油麻地12樓覆診.
好緊張,予約時間係3:00 我2點幾就去到. 見到肥醫生走來走去, 唔見佢著住件白袍.真係第一次覺得佢肥. 點解醫生都咁肥o既??
佢睇唔到我.但我見佢望住個登記窗口,因為我張覆診紙寫我去3號房, 明明2號房先係肥醫生, 所以我出院個日肥醫生就同我講, 如果登記窗口唔幫我轉番2號, 佢就會幫我. 所以我見佢行o黎行去, 都有望下登記個窗口位置.以便見到我就幫我. 可惜我一早攪掂,哈哈.
點解1月31號出院, 2月4號就覆診. 第一,醫生緊係驚我唔慣, 第二, 最大原因係我出院時,QE比唔夠aqueous cream我. 醫生知我去北京旅行, 天氣乾燥.所以佢話過, ymt可以比多d我. 故此. 4號覆診. (以上都係我段估o既, 唔關肥醫生事 ^_^)
佢檢查我d皮膚, 又話比護士知我d皮醫得好靚,仲拿起我件衫,比我個背脊比護士睇, 都唔洗理我同唔同意.(打得少) 唉~最唔慣係仲要除埋條褲. 真係唔慣, 因為係QE件病人衫咁鬼長,唔洗佢叫我除, 我都除比佢睇啦. 但係今次, 前後一個人. 真係瘀, 但瘀都要除啦~鬼叫我有病呀......................
醫生講o左好多o野, 仲多謝我上次送小禮物比佢, 我扮聽唔到, 因為我唔想比護士知,點知醫生又講多一次多謝. 不過我就繼續扮聽唔到. 轉話題改問其他關於牛牛病o既o野.(對唔住呀,肥醫生. 我真係好冇禮貌)
攞o左3樽aqueous cream & 黃色&藍色止痕藥.
第一次冇帶袋去裝藥. 下次要記得帶.
3月3號覆診.