政府覆診~

隔o左好幾個月, 早兩日去政府皮膚專科覆診.
有d預感會見到肥醫生.............點知唔係,,,,,,2號房門外貼住xxxx高級醫生(唔知點解會有高級醫生駐診呢?),,,,,,,,,,,等等下之間望下3號房門外個醫生牌..................居然係肥醫生個名..........嘩....個一剎那好想叫護士幫我將我個file 轉去3號房.........哈哈........不過只係諗一諗.........算吧啦.........有機會下次覆診咪睇下係咪肥醫生囉.
上次4月尾食錯藥生過d小膿出o黎之後, 指甲有少少變差之外, 呢半年都相安無事.
身體冇牛牛, 右邊頭近耳仔有一小忽. 腳甲都係一樣咁樣衰.

高級醫生態度好過d卒仔醫生.  叫做認真d睇下我d牛牛 & 腳甲.
其他都冇咩好講. 我都只係攞o左支洗頭水 & 2支AQ.

尋晚就特登去香港個邊搵個病友. 佢做o野超忙.............上星期打比我吐下苦水, 又開到口叫我去佢做o野o既地方搵佢食飯.......好啦...

來回坐o左一個鐘多d, 但食飯時間只係食o左50分鐘..........因為病友食完又要趕住開工......真係辛苦.  又收得夜........難怪佢d牛牛冇乜點好.............

我叫佢食番劉醫師d中藥.....但佢食o左半年左右就唔想再食.....話冇乜進展喎.............
唉..........半年真係睇唔到d咩囉..........調理身體嘛.......邊度會咁快有進展........點解唔比多d時間劉醫師呢??
不過人各有志, 我都冇再出聲啦.......希望佢日日跑步曬太陽對佢有幫助

2個人食咁鬼多o野, 又食得急,,,,,,,,,,食飽坐車返到屋企都只係8點半咋(我差不多6:20分放工)........真係好似食快餐咁. 呢餐病友請我食~ 多謝晒~!
11月約埋行山或者踩單車, 希望到時多d病友參加啦~

政府覆診

隔o左3個月去覆診, 今日唔係梁醫生啦........換o左個靚仔睇o黎係80後o既醫生.
問我呢段時間有咩事發生過, 我答佢係4月尾睇莊禮賢醫生時, 食o左灰甲藥, 藥物敏感
d牛皮癬發o左出o黎.
係呀..........靚仔醫生簡單回答我之後,,,,,就記錄灰甲藥個名,,,,,,,問我食o左幾耐就發出o黎?
我答佢食o左一粒~
突然間醫生叫o左一聲~ 呀~! 係呀. 正話我地都有傾過呢個問題~!
??????????我有d R頭
原來佢今日中午同莊醫生食過飯(可能係一班醫生食飯)..........傾過我個case...........有冇咁橋呀? 我心諗.

跟住醫生就講佢o既見解, 佢話佢唔認為係藥物敏感, 因為藥物敏感係唔會即食即敏感喎. 通常食2~3個禮拜至敏感..........
唔係呀嘛......醫生???   (食物敏感都即時食即時有反應啦........我心諗)
係呀, 唔會食一粒就敏感, 我覺得係你d牛皮癬令到你d膿生出o黎.........
我仲R頭..............咁我個D係膿皰型牛皮癬, 唔係一生就係有膿咩??
醫生問我知唔知咩叫牛皮癬?? 膿皰型係比較少見.  講多兩講, 比我問多兩問,
醫生就攞本書仔叫我返屋企慢慢睇..................即係耍我o者,

呢本書都睇過啦.
醫生打開呢一頁比我睇...........................我真係想叫佢不如由頭睇下我個file一次先講

總之醫生就係覺得我唔係藥物敏感, 唔會咁快有反應喎,,,,,,,
我同醫生講,,,,,,,我好似食乜都好快見到o野, 例如我入院留醫時,
食 NEOTIGASON 呢隻藥, 我第2日都開始收膿啦.
當時肥醫生夠話我好彩, 人地食4個星期左右至開始見效.
我就一食就見效~!
不過佢再解釋我都係聽唔明. 佢話佢地學術上唔係咁解釋........即係深層次我唔會聽得明???????
算啦.......

其實4月尾藥物敏感出o左膿之後. 雖然過兩日就謝, 但整個5月我條頸都好痕~ 仲有一對耳仔都超痕, 食o左d唔應該食o既食物時, 手亦有生一粒粒紅點. (差不多成年冇生過)
好彩搽青黛都好似有d效~ 真係事無大小都先搽青黛粉, 唔得至搽藥膏.

今日就手手腳腳d皮皮都幾靚仔o既.

手踭位......藥物敏感時有甩皮之外, 依家冇乜再甩皮,好彩~

頑固o既右耳對上頭皮位, 唔知點解藥物敏感之後靚仔o左.

只有少少位有薄薄牛皮癬.    (我已經有2個星期冇搽青黛) 希望好似左耳咁, 一好o左就唔好衰番轉頭

兩隻腳o既腳甲就核凸啦................唔知點收科~ 唯有寄望劉醫師幫我醫番好.
(牛皮癬腳甲..............雖然我好想食灰甲藥o黎証實係咪灰甲)

右腳有3隻都仲正常d, 希望唔好再差落去.....................

今日攞o左好少o野, 只係洗頭水 & 2支100g o既AQ.

就算依家天氣熱,,,,,,,,,記住沖完涼都要潤膏呀.

滿意~

今日又去睇劉醫師~
劉醫師好少可叫我睇得咁密,  之前都係4星期覆一次診,
只因佢真係擔心我個病會翻發,所以呢兩次隔幾日就要比佢睇下
今日佢好滿意同埋好似已經放下心口大石咁,
再次強調我個隻牛牛同普通個D牛牛唔同.
一定要小心處理喎.
(嘩......其實食錯藥之後第一次比佢睇,,,個陣時已經唔係好紅)

呢隻藥方食多2日就轉番食以前o既防風通聖散.
(其實今日應該問下劉醫師兩隻藥方有咩唔同)

4個星期後覆診~
一次半次放蹤下自己.............又走o左去瑞記飲樽裝奶茶.........嘆下報紙咁

特登叫老細碗米粉扣底,,,,,,,, 因為我想食盡佢................. 加多一件西多.......嘩.....超甜.
一次夠晒數.

記錄番今日皮皮o既狀況先~ (你地又可以轉台啦)

其實令我擔心係手踭位甩皮狀況,,,,,病發前唔知自己有牛牛病o既時候,
手踭位就係咁樣甩皮,,,,,所以怕今次藥物敏感真係令自己狀況比之前差.
希望手踭位過一段時間會好轉.

其實搽潤膚cream 真係對牛牛有幫助o架. 所以密密搽. 外觀都靚仔d, 又唔會咁痕.

藥物敏感

今日一早去覆診~
劉醫師同我打脈, 睇脷, 再睇下我d皮皮, 尤其係對腳,,,,一路睇一路大大聲話好o左好多.
然後劉醫師鬆o左一口氣咁(整個人向後坐) ~ 佢話.........佢之前擔心我會發得好犀利(星期一佢話我唔係翻發,,,, 可能怕我驚)
敏感引發牛皮癬翻發係可大可少,,,,,,劉醫師仲話之前有一個都係膿皰型牛皮癬o既病人, 唔知食錯d乜o野, 整個人都生滿小膿, 連塊面都有.  病人見到劉醫師,,,,,叫醫師快d救佢.     我問過醫師, 佢話呢個病人正康復中.
劉醫師話我好彩發現得快, 冇延誤時間.........
(我都覺得好彩係,,,,,我只係食o左一粒就已經出紅點, 自己又時時留意自己d皮皮, 冇食第2粒)

今日狀況如下
左手, 已經開始甩皮, 層薄皮好似有少少燒燶o左咁. 皮膚黑黑的.  我理解係搽過西醫藥膏都會變黑的.

右手

飲多4日星期一o既中藥沖劑,,,,,,下星期再覆診~ 
有金銀花. 野菊花,,,唔知係咪去濕毒呢??

攞張到診紙比公司做記錄
今日問劉醫師我今次係因為食o左辣o野定係藥物敏感, 劉醫師話我應該係藥物敏感

其實出o左院兩年幾,,,,,,,,,,星期一 ~ 五,,,,我真係幾乎一日3餐都係食老媽o架.
早餐~ 麥皮
午餐~ 帶飯~ 老媽住家飯~ 仲要係我兩年幾冇用微波爐叮飯, 我用個細飯煲仔蒸番熱d飯o架.
晚餐~ 老媽住家飯

呢兩年幾食多o左好多好多瓜瓜菜菜o架.

有一件事好重要~!!!!!!!!!
老媽家煮餸唔會落味精雞粉, 用o黎用去最主要都係, 鹽,糖, 油, 鷹粟粉

依家電視成日賣廣告~ 將d雞粉包裝到好健康,,,,,,,真係整壞人身體o架.
好多病友都話食味精會痕, 牛牛會變差.  就算健康o既人都唔應該食咁多雞粉味精.
我好記得剛出院時見過一個女中醫, 佢第一樣吩咐我就係記得唔好食""""雞粉"'''''
女中醫話,,,,,,雞粉最主要係用雞屁股做, 一隻雞最唔好o既o野都去晒雞屁股,,,,所以叫我萬萬吃不得雞粉~!!

如果你地有用開雞粉~ 為o左家人健康著想~ 都係少用為妙啦.

中西醫~

上星期已經同老細講o左今日上午去見醫生,

所以一早就坐地鐵過海去~ 因為東華醫院好似開9點, 咁我就決定先去東華, 睇下可唔可以打尖睇劉醫師.

點知去到劉醫師未返, 今日11點至到診~ 所以又拿拿臨去返中環搵莊醫生. 佢今朝一早有2個booking, 我要趁佢d病人未到至可以即睇我.

其實尋晚成晚都好痕(最痕係尋晚), 手又痕, 屁股兩邊又痕.

不過今朝起身又唔見我R到周身痕跡. 相反手臂上面o既小膿有謝o既跡象.

(右手~ 尋晚10點幾影)

(今日下午3點幾影)

(左手~尋晚10點幾影)

(今日下午3點幾影)

(唔知係咪老媽D湯水有效,,,,,星期六飲o左土伏苓 + 鰂魚, 星期日飲o左海龍海馬湯)

10:15分   先見莊醫生~ 佢見到我就話尋日見到以前係QE醫我o既肥醫生.

莊醫生問過肥醫生我個case, 肥醫生仲記得留醫前, 我係食過咩藥, 打過咩針(當時係莊醫生叫肥醫生打番去之前兩個醫生個度問o既) 所以証明2年幾前o既膿皰型牛皮癬, 並不是藥物敏感所致. (

2年幾前o既病發原因仲係不明)

莊醫生今日話::::::>>佢上星期三見到我成身出疹~ 範圍好大. 所以真係怕我好似第一次咁, 發到要入醫院.

星期五出膿莊醫生睇唔到, 經過六日兩日, 今日手臂已經冇之前幾日咁有灼熱感覺, 我相信已經謝啦...(如果自己唔再衰多口食埋d唔應該食o既食物)

我同莊醫生講, 呢兩日我都有搽藥膏, 不過唔係搽佢比我個隻(星期三搽過唔多有反應, 所以冇搽)

(上星期五放工前發現有小膿出現, 所以係老媽家搵番舊年係政府睇o既藥膏 ~俗稱125藥膏, 含輕微類固醇)

莊醫生聽到我搽125藥膏都唔搽佢比我個隻betnovate cream有點唔高興, 問我點解係都唔搽佢個隻.............哈哈...........第一,,,,類固醇比佢個隻輕, 第二,,,,,搽125藥膏即刻止痕呀.............當然由最輕微類固醇藥膏搽起啦,,,,無理由一搽就搽隻勁o者.

其實星期五晚起, 我沖涼前都有搽青黛粉. 搽青黛時好舒服, 因為係冰箱攞出o黎搽.

之後沖完涼搽保濕cream (claming cream), 冇幾耐就會覺得痕,,,,,,,忍唔住搵清水沖過d皮皮, 跟住就搽125藥膏.

比背脊同屁股莊醫生睇,,,,,佢話背脊冇晒事, 屁股就仲有紅, 但好似話冇膿.

我話比醫生知尋晚好痕好痕, 所以佢比o左一隻勁d o既止痕藥我以防萬一

痕到瞓唔到就食一粒.

最後我拿住張相問莊醫生, 我問::::>如果今次我唔會好似上次咁一個個大印生出o黎. 我都唔會食藥啦. 我會繼續睇番中醫.

莊醫生冇反對我用中醫去醫牛皮癬, 只係提醒我呢個非常時期, 唔好立亂轉中藥成份, 食開o既就繼續食.

同莊醫生拜拜時, 莊醫生提我呢兩次都冇收我醫生費, 只係收200蚊藥費o者~

係~!!! 收到, thank you晒~!!

未收到東華醫院打o黎, 唔知劉醫師比唔比我打尖.慢慢由中環行番去上環.

後來等到11點半左右接待處就通知我可以睇劉醫師.

講o左情況比劉醫知道後, 劉醫師將我致敏o既藥名記錄在案

其實今日搵劉醫師, 係想問佢之前o既中藥(防風通聖散)係咪照樣可以食~

仲想比佢睇下我係咪牛皮癬翻發

佢今日打脈都打得幾耐.  劉醫師話我唔係翻發, 只係敏感

我問佢洗唔洗轉藥, 佢話要~

所以轉o左下面呢張藥方, 先試食3日, 過兩日再覆診~