忙碌

今日3:00去o左YMT覆診.

等o左唔係好耐就有得睇, 林醫生冇乜o野講, 循例要睇我手手腳腳, 我話佢知對腳冇問題佢係都要睇. 事鬼但.  但我同佢講, 我對手d皮膚好怪怪, 毛囊凸起晒, 手臂鞋拾拾, 佢就反而話冇問題. 唉~ 唔知咩叫有問題. 就算唔係牛牛, 都可能有其他o野掛?? 但佢就再冇跟進.

跟住我話佢知我頭有好多頭皮, 醫生o既反應係我啲頭皮都冇痴埋一舊舊, 唔算嚴重., 攞埋係QE出院時比我個張藥紙, 指明想要番個隻洗頭水醫生至肯比我. 但卒之都係唔記得比我, 要我行番轉頭再攞過.

今次問醫生想要支Daivonex,  ( 冇類固醇), 因為想試下呢隻好定係silkis好.

11月17號要抽血驗肝酵素&膽固醇,  12月8號覆診.

睇完醫生約o左馬大哥, 成年冇見. 因為佢後日去上海出差, 所以我叫佢幫我搵下支保濕cream 有冇得賣. 佢就即刻幫我打去問佢同事. 可惜未有消息. 希望唔洗係美國買啦.

其實我今日都有打去上海問. 但個電話唔知點解冇人聽, 不過我都e-mail o左, 希望聽朝返公司會收到好消息.

跟住直落又約o左2個舊同事. (唔知點解今日咁o岩, 咁多人搵我^_^), 又係去食韓燒, 因為冇乜人客,所以容許我地食o左3個鐘. 唔同上次限住食個半鐘.

 hahaha,之後再去pacific coffe 飲杯o野至走.

傾傾下居然收到一個電話, 原來係冇聯絡o左7年幾的朋友打o黎. 好突然呀~ 呢個朋友由小學去到中學, 識o左20幾年. 之前因為我結婚時有少少問題發生,跟住我地就冇再聯絡. hahaha, 好彩我咁多年都冇轉電話號碼.  我地相約聽晚見, 今晚已經傾到3點, 聽晚唔知會點. 

哈哈, 唔知得唔得閒執行李去台灣tim......

報憂先定報喜先?

2008年9月6日 星期六......冇帶傘變成落湯雞~!
今日去東華覆診, 都係上次個新助手.... 所以我估應該真係換o左人.
(IIIXIII, 你可以去睇劉醫師啦. ^_^)
劉醫師都係照舊打脈睇脷. 冇乜o野講, 我都冇o野問. 但醫師突然問下我d牛皮癬點樣, 我話ok, 係額頭有ddd. 頭皮都有ddd. 咁佢唔知同助手講定係同我講.....: 膿包型牛皮癬會致命的. 不可以停藥.(今次我一d都冇問佢可唔可以停藥, 係佢無啦啦咁講出o黎.) 我聽到之後個心一沉, 諗起QE肥醫生話過, 我將來可能會變成尋常型牛皮癬, 所以其實我想問劉醫師我係咪會轉. 定係都係唔會變, 一定係膿包型??但卒之句說話係心但冇講出o黎. 心情好沉重. 冇咩心機. 真係好想好想發夢. 好似朋友咁, 第一次見劉醫師, 就比劉醫師講: 你唔係牛皮癬呀~ 你係泛發型濕疹...... 就好lu. 真係發夢都冇咁早....... 心情呆滯到連預約都唔記得就走o左, 出醫院時仲落大雨. 又冇帶傘. 都冇咩心情去理會係咪落雨, 就咁行去地鐵站.   去完黃山o既快樂一下子冇晒.>_<
報完憂要報喜.
好彩我都好快調節過o黎, 睇完中醫就返去舖頭開檔. 因為今日好忙, 冇咩再諗劉醫師講o既o野. 做做做不停咁做 .   麻雀腳打o黎....喂~ 開枱啦!!!! 明明約好5點半, 居然忙到6點幾至收得工. 飛的去~ 都係個句, 小財唔出, 大財唔入.
哈~ 又贏, 今次勁, 1個贏6個. 贏o左$2,140蚊.
今日睇中醫用o左1,200蚊, 完全可以cover 晒,,,,哇哈哈. 仲可以幫補埋我o既黃山之旅.呵呵呵. 多謝吳氏 & 陳氏家族.