又3個星期啦. d錢好似倒水咁.今日係去東華覆診呀~ (4星期藥1200蚊)
今日冇遲到, 等o左2個就到我, 劉醫師個助手換o左啦. 唔知係咪因為咁,
劉醫師今日同往日唔同. 多o左好多o野講, 但同我打脈又冇打咁耐噃,
睇下我條脷, 之後話我好o左, 冇咁黑, 我話比佢聽我最近頭皮多o左,
佢仲企起身"徒手" "抄"我個頭o黎睇.(油麻地d西醫就驚到死,
鑊鑊用條雪條棍"抄"我個頭. 真係想死. ) 劉醫師仲問我邊度有牛
牛, 叫我拿起d衫比佢睇, 我都淨係拿起隻褲腳咋, 同埋額頭有少少牛印.
其實我邊度有牛牛比佢睇o者.
(佢又忘記o左我第一次睇佢o既時候, 已經收晒牛牛啦.)
佢一路望住我一路話比個新助手知, 膿包型牛皮癬好麻煩,
話我已經穩定o左好多..... (>_< 唉~ 廢事講個真相佢知, 尊重下劉醫師)
不過我都覺得我好條脷兩邊好似冇咁黑. 所以就算老媽成日叫我唔好
side錢睇中醫, 我都當佢耳邊風.
本來劉醫師開3個星期藥比我. (話我好穩定喎) 但撞o岩去黃山旅行,
所以我叫佢開4星期藥比我. 劉醫師仲有時間問我去邊度玩,
我話佢知: 黃山 呀.....佢話好喎, 黃山出名"霧...松" , 我聽唔明,
佢仲特登係張紙度寫出o黎比我睇,真係少呵~跟住我問佢, 你
有去過黃山呀?? 佢就話冇去過, 但佢知黃山o既 "松"係好出名喎.
今次d藥又轉o左啦.
9月6號覆診.(一去完黃山第二日就覆診)
