東華覆診

2008年6月28日 星期六 天陰有雨
今朝唔記得o左9點定10點覆診.因為眼瞓得滯, 所以10:30至去到東華覆診. 原來係約o左10點.
排o左冇幾就有得睇. 反而早去就等耐d. 奇怪.
今日醫師唔知係咪心情好. 定係我用國語問佢o野.佢講o左好多好多.
最初佢一慣做法.左右手把脈. 然後就睇下我條脷. 劉醫師唔知點解今次會記得我上
次比過額頭d牛牛佢睇. 佢睇完我條脷. 佢就住動做動作示意我比額頭佢睇. 佢睇完
就話. 幾好. d牛牛薄o左......嘩~犀利, 咁記得我額頭有牛牛o既?? 仲記得我比上次薄.
佩服佩服.    之後我又比我左手已經結焦o既紅點佢睇.我話食錯o野. 跟住劉醫師就
叫我容易致敏o既食物唔好食. 因為好易令到牛牛發出o黎.
跟住我就問劉醫師
上次同一個問題.:: 停唔停得西藥. 佢都係話唔洗停.keep住食. 跟住我話咁洗唔洗停
中藥. 佢就話啦: 你問中醫停唔停西藥, 又問西醫停唔停中藥. 你知唔知醫生會唔高興
o架.(劉醫師語氣平靜),我心諗: 緊係知啦. 不過睇下你有冇反應o者.
佢話西藥有度唔好. 就係傷肝. 不過佢話佢依家比我食o既藥, 係護番我個肝. 仲有晒
動作努力解釋比我聽.
我又問佢. 牛皮癬會唔會斷尾. 佢停頓o左一陣.諗下點答我. 不過我d國語都係唔好.
唔係好聽得明佢講乜.我估應該係可以收晒,但唔係斷尾. 都係有機會因為某d原因會
發番出o黎都未定. 我再申我條脷出o黎. 問劉醫師我d黑邊幾時好. 佢話冇咁快. 千祈
唔好飲凍o野. 佢又做飲水動作. 示意我飲水要慢慢飲. 我話我冇乜飲凍o野.只係
食"冰淇淋",劉醫師就叫我唔好食啦. 今日劉醫師動作多多. 好可愛呢.
之後佢就問我比三個星期藥好唔好. 我當然話好啦.
7月19號覆診 10點鐘

完全一樣o既藥.

3個禮拜藥, 盛惠 920蚊.
唉~ 唔係有病, 一年o既藥錢夠我去日本玩.一次

3個星期藥, 比o左31粒陳皮梅我送藥. 不過通常我都係益亞媽.^_^

又要覆診

2008年6月28日 星期六
差D唔記得今日要覆中醫診. 如果唔係多得少男話要返工.......就醒唔起.
可能呢排過得太快活. 咁快又要覆診. 沒完沒了o既覆診實在太厭倦. 難為個d有o左
牛皮癬好多年o既患者......
尋日都唔記得食藥(西藥). 好想就咁停藥算數.....................但既然中西醫都叫我唔好
停,我就唔停啦. 當然我怕停藥後唔知會發生咩事.....個種害怕, 比我第一次發病入院
還要驚???!!!!????
其實最近皮膚好少痕,除o左左手食得過份唔應該食o既食物之後出大紅點. 其他部位比以前少出紅點.腳亦冇乜紅點兼唔痕.以前隻左腳有紅點就痕.不過......
最近頭皮越來越多. 應該係夜瞓o既關係.....睇怕真係要的起心肝,戒除毒癮至得.......
有牛牛聚會啦. 今次好似有成10多個人出席. 希望有愉快o既一晚.

青春無敵

2008年6月16日 星期一 落大雨
今日為o左睇中醫唔請假, 所以晨咁早上大陸查貨, 速去速回~ 6:30就起身, 唔夠7:00就落街搭KCR. 依家超級眼瞓呢. 真係冇鬼用.
雖然我比預約時間早到東華醫院, 原來都係冇乜用o既. blog友 Ade 比我遲到. (但佢o既預約時間比我早) ,都係睇o左佢先到我. 所以.....呵呵呵. 下次唔洗博大霧.
Ade , 你比blog相仲要靚女, 仲要青春呢.  真羨慕...,唔知係咪係blog內傾得耐. 我地又好似好熟咁傾傾傾. 嘻嘻. 根本唔似第一次見面呢.唔睇你張病相.我都唔知原來個d病係咁o既......我地大家鬥快醫好個病啦.
今次劉醫師幫把我脈, 一邊手都成分鐘, 佢"咪"到佢D指甲痕留低係我隻手到. 唔知點解今次把咁耐脈呢. 我問佢我條脷幾時至變番正常. (兩邊黑) 佢話要好長時間至得. 可能我呢幾年食得雪糕雪條太多都唔定.
我又問佢我停西藥好唔好, 但佢話唔好, 叫我繼續食西藥. 跟住就冇乜o野講......本來開2個星期藥比我, 但因為唔夠藥粉, 所以最後都係得10日藥. 不過無所謂啦. 反正屋企都仲有幾日藥未食晒,  而且可以book到6月28號星期六覆診. 唔怕唔夠藥食.
**下次覆診:  6月28號星期六 10:00

d藥係同以往一樣o既. 今次睇病睇o左4分鐘~仲有兩個應該係中醫o既學生哥坐係旁邊睇住劉醫師幫我地診症.

最近先知原來食中藥時間係早上7點 & 下午 5點, 我一路都係食11:45 & 5:00

如果係自己煲藥, 東華都有教我地點煲藥.
有分"解表藥"  & "補益藥"

今日亞媽花o左唔少時間整碟好似幾正o既餸出o黎,當我筷子差落去o既時候,亞媽就話: 你唔食得, 裡面有蝦. oh No~ 冇我份.(Henry 有冇洗口水呀??)

肥醫生--->四川??

2008年6月2日 星期一  天陰有雨

呢輪睇四川新聞o既時候, 我都會諗肥醫生會唔會走o左去做義工. 哈哈. 今日覆診真係唔見o左佢.

佢好似調離YMT 啦. 冇得見肥醫生事少, 冇得寫信比肥醫生事大. 肥醫生你係唔係,真係去o左四川呀??? moshi moshi~ 肥醫生見字唔該聯絡我. 呵呵, 睇怕都好難囉......不過冇機會同肥醫生講bye bye 添

第一次睇女醫生~ 其實d政府醫生真係唔係好似其他人講得咁差o者. 林醫生都做足醫生要做o既o野. 不過平時除o左婦科檢查,其他病我都係唔會睇女醫生.唔知點解覺得醫生係應該男人做o既......... sorry, 唔好話我有性別歧視.

林醫生今次都睇下我個頭皮, 睇下我對手. 可能規定關係, 都係要比另外一撻皮膚佢睇,我就拿起條褲比佢睇. 佢話幾好呀, 繼續食neotigason. 我話唔會停藥呀? 佢話唔會啦.牛皮癬都唔會end o既. (林醫生講o左2次,佢好似驚我唔知牛皮癬唔會斷尾)  旁邊位護士都話我食o既份量其實好少(15mg)   我話: 好似係好番就停藥,再生牛牛就又食過.    林醫生: 係呀. 不過你之前好嚴重喎, 又有膿.     我話: 食咁耐藥唔好呀嘛.      之前肥醫生話食幾個月就會停藥o架~    林醫生居然話:  唔會o架. 牛皮癬唔會斷尾o既喎..... 點會停藥??     林醫生: 你驚副作用呀?? 你有冇諗住生bb??　　我話冇諗住生bb.     不過驚第二d 副作用o者.     林醫生: 肝酵素? 膽固醇? , 所以要耐不耐驗下血.  你想停藥都得o既. 不過下次先決定啦.

哦...............................

再比多一支silkis我. 另外個d我唔要啦. 根本都唔知點搽.今次我寫o左屋企仲有o既藥膏名比醫生. 問下佢點用.林醫生都有話我知.

林醫生都係有戴口罩.

我食緊呢隻neotigason 係 10mg 包裝o既 一粒半(15mg).

今次攞得最少藥, 30蚊藥費.

7月9日號上午9:00空肚驗血

7月28日覆診~

我都有比呢張相林醫生睇, 佢話就咁睇, 唔知係乜喎......